لو انت شخص عندك خبرة ومش عارف تحولها لبيزنس اونلاين يدخلك دخل ثابت شهريا

او شخص عنده متابعين وجمهور بس مش عارف تحقق أي ربح ولا تبيعلهم حاجة, او عايز تبدأ مشروع اونلاين بس مش عارف تبدأ منين وحاسس انك تايه…

ف متقلقش انا كنت في مكانك وعديت بكل المراحل دي قبل كدا.

لو متعرفنيش انا احمد الحديدي, شخص متعدد الشغف و بشتغل ك software developer و online fitness trainer وبعمل محتوي علي السوشيال ميديا بساعد فيه الناس في الهجرة والبيزنس وحاجات تانيه كتير.

من كام سنة كنت بحاول احسن من مستوايا المادى واني ادخل دخل بالدولار والأهم من كده إنه يبقى اونلاين بحيث يبقى عندي حرية السفر في المكان اللي انا عايزه واني احاول يكون عندي حرية في وقتي مش بس فلوس

و كواحد بدأ من مدينة صغيرة في مصر كان لازم الاول اتعلم حاجه او اتشغل في وظيفه تجيبلي دخل يخليني اعرف اسافر

اللي حصل ان اخويا اقترح عليا اني اتعلم IT … ودا اللي غيرلي حياتي لحد انهاردا

ومش بقول عشان تغير حياتك او تعمل فلوس لازم تدخل في ال IT او تبقا مبرمج وكل الكلام دا

بس الفكرة انك تلاقي مهارة من اللي بيسموها (high-paying skill) وتتعلمها وتبدأ تشتغل فيها

وفعلا انا لقيت المهارة اللي تناسبني واتعلمتها واشتغلت فيها ولحد دلوقتي لسه شغال فيها

ولكن كان فيه حاجه ناقصة…

انا فعلا لقيت وظيفة بدخل كويس وعرفت اسافر برا, بس مبقاش عندي حرية في وقتي ولا في مكاني!

ف هنا فكرت, ايه اللي ممكن اعمله عشان ازود دخلي يخليني اقدر اسافر اكتر, وانوع مصادر دخلي بحيث لو سيبت الوظيفة يكون عندي مصادر تانية للدخل

دخلت في كذا حاجة زي ال modeling وال Personal training و ال Dropshipping

وبدأت ادرب ناس اونلاين وعرفت اجيب 7,000 درهم (بس بعدها اتنصب عليا وخسرت 5,000 منهم)

ولكن دي كانت اول مره يحصلي فيها mindset shifting كدا ان ممكن الارقام دي تتحقق واكتر بكتير لو اشتغلت اكتر وبذكاء اعلي مع بالبيزنس الصح)

ومن هنا حصلي ضغط كبير بسبب الفلوس اللي خسرتها وقررت اني هرجع الفلوس دي

بدأت اسوق لنفسي بشكل صح عالسوشيال ميديا واخدت كورس كان تمنه تقريبا 2000$ من شركة تسويق وعملت service ابيعها للناس بطريقة معينه

وفعلا الموضوع اشتغل معايا وعملت 9,800$ في اسبوع واحد!!!

و ايوا مش نصب الموضوع دا حصل فعلا بسبب اللي انا عملته واللي هشرحه معاكو بالتفصيل في الكورس دا و كل اللي اتعلمته والخبرات اللي اخدتها